မန္တလေး အဖွဲ့ချုပ် ဝင်တွေ နှစ်ရှည်ထောင်ဒဏ်ချမှတ်ခံရ
ဒီမိုကရက်တစ် မြန်မာ့အသံ -၂ဝဝ၈ ၊ ၁ဝ ၊ ၂၁
သောတရှင်များရှင် - အမျိုးသား ဒီမိုကရေစီ အဖွဲ့ချုပ် မန္တလေးတိုင်း စည်းရုံးရေးကော်မတီ ဒေါ်ဝင်းမြမြအပါအဝင် ခြောက်ဦးကို မန္တလေးအိုးဘို ထောင်တွင်းတရားရုံးက နှစ်ရှည် ထောင်ဒဏ် တွေအသီးသီးချမှတ်လိုက်ပါတယ်။ ဒီအကြောင်းကို ကိုအေးနိုင်က ပြောပြ ပေးပါလား။ ဟုတ်ပါတယ်။
သူတို့တွေဟာ တိုင်းစည်း ကော်မတီဝင်သုံးဦးနဲ့ တိုင်းလူငယ်စည်း ကော်မ တီဝင် သုံးဦးဖြစ်ပါတယ်။ သူတို့တွေကတော့
အဖွဲ့ချုပ် မန္တလေးတိုင်းစည်းရုံးရေး ကော်မတီ ဝင် ဒေါ်ဝင်းမြမြ၊
အဖွဲ့ချုပ် မန္တလေးတိုင်း ဒုဥက္ကဌ-ဦးသန်းလွင်၊
စည်းရုံးရေးကော်မတီဝင် ဦးကံထွန်း၊
မိုးကုတ်မြို့နယ်က ကိုမင်းသူ၊
မိတ္တီ လာ မြို့နယ်က ကိုတင်ကိုကို တို့ကို ဒီကနေ့ မနက် ဆယ်နာရီခွဲခန့်မှာ အိုးဘိုထောင်တွင်း တရားရုံးတခုမှာ ထောင်ဒဏ်တွေ အသီးသီး ချမှတ်လိုက်တာ ဖြစ်ပါတယ်။
ပြစ်ဒဏ်ချမှတ်စီရင်သူကတော့ မန္တလေးတိုင်း၊ အောင်မြေသာ ဇံမြို့နယ် တရားသူကြီး ဒေါ်ဘေဘီဖြစ်ပါတယ်။
ဒီကနေ့တရားရုံးစီရင်ချက်ကို သူတို့ခြောက် ဦးရဲ့ အမှုလိုက်ရှေ့နေ ဦးမြင့်သွင်က ခုလိုပြော ပြပါတယ်။
“ဒီခြောက်ယောက်ဟာ မနှစ် စက်တင်ဘာလကုန်ပိုင်းက ဖမ်းဆီးခံရပြီး ဒီနှစ် သြဂုတ် လကုန်ပိုင်းမှာ စတင်ရုံးထုတ်ခဲ့ပြီး သောကြာနေ့နဲ့တနင်္လာနေ့တိုင်း မန္တလေးအိုးဘိုထောင် တွင်းက ဓမ္မာရုံမှာ ရုံးချိန်း ၁၇ ချိန်းကို စစ်ဆေးခဲ့ပါတယ်။ ဒီကနေ့ ၁၈ ချိန်းမြောက်မှာတော့ အဲဒီ ဓမ္မာရုံမှာ ထောင်တွင်း သင်တန်း ကျောင်းဝင်းတခုထဲက ဓမ္မာရုံထဲကို ပြောင်းရွှေ›ပြီး လုံခြုံ ရေးအစောင့်အကျပ် ထူထပ်စွာနဲ့ စီရင်ချက်ချခဲ့တာပါ”
“ပြစ်ဒဏ်အများဆုံးဖြစ်တဲ့ ကိုမင်းသူက မန္တလေးတိုင်း မြို့နယ်သုံးဆယ် စုံညီအစည်းအဝေး မှာပြောတဲ့စကားတွေဟာ အစိုးရပေါ် အကြည်ညိုပျက်စေတယ်ဆိုပြီး ၂- နှစ်။ မိုးကုတ်က သံဃာတွေ မေတ္တာပို့သစီတန်း လှည့်လှည်ရာမှာ ကိုမင်းသူက ရေကပ်လှူတယ်၊ သံဃာ တွေကို ဆိုင်ကယ်နဲ့ပို့ တယ်ဆိုပြီးတော့ ၂- နှစ်။ အဲဒီသံဃာတွေ စီတန်းလှည့် လည်တဲ့ နေရာမှာ ကိုမင်းသူပါဝင်တယ်-ဒါဟာ အစိုးရကို အကြည်ညိုပျက်စေတယ်ဆိုပြီး ၂-နှစ်”
“နောက် သံဃာတွေစုဝေးစဉ် လူစုခွဲတဲ့အခါ မထွက်ဘူးဆိုပြီးတော့ ၂ နှစ်။ သံဃာတွေ သံဃပတ္တနိက္ကုဇန ကံဆောင်ရာမှာ ကြည့်သူတွေက လုံခြုံရေးတွေကို ခဲနဲ့ပေါက်တဲ့ ရုန်းရင်း ဆန်ခတ်ဖြစ်အောင်လုပ်ရာမှာ ပါဝင်တယ်ဆိုပြီးတော့ ၂ နှစ်နဲ့ အဲဒီမှာပါတဲ့ ပြည်သူ့ဝန် ထမ်းတွေကို လက်ရောက် ကျူးလွန်တယ်ဆိုပြီး ပုဒ်မ ၁၅၂ နဲ့ သုံးနှစ်ချပါတယ်။ စုစုပေါင်း ၁၃ နှစ်ဖြစ်ပါတယ်”
“အဖွဲ့ချုပ် မန္တလေးတိုင်း ဒုဥက္ကဌလည်းဖြစ် မတ္တရာမြို့နယ် ပြည်သူ့လွှတ်တော် ကိုယ်စား လှယ်လည်းဖြစ်တဲ့ ဦးသန်းလွင်ကိုတော့ မြို့နယ် ၃ဝ အစည်းအဝေးပွဲမှာ ကိုမင်းသူပြောတဲ့ စကားတွေကို နားထောင်ခြင်းဟာ အစိုးရကို အကြည်ညိုပျက်အောင်လုပ်တဲ့ထဲမှာ ပါတယ် ဆိုပြီး ထောင် ၂ နှစ်ချပါတယ်”
“ဦးသန်းလွင် အစည်းအဝေးမှာ ပြောတဲ့စကားတွေဟာ အစိုး ရကို အကြည်ညိုပျက်စေတယ်ဆိုပြီး နောက်ထပ် ထောင် ၂ နှစ်၊ အမှုတခုထဲမှာပဲ ဦး သန်းလွင်က လူတစားနဲ့တစား၊ တဖွဲ့နဲ့တဖွဲ့ကို အကြည်ညိုပျက်စေတယ်။ မလိုမုန်း ထား ဖြစ်စေတယ်-မသမာတဲ့စိတ်နဲ့ ပြောဆိုသုံးနှုန်းတယ်ဆိုပြီး ထောင် ၂ နှစ်စီ ချတာကြောင့် စုစုပေါင်း ၈ နှစ် ချမှတ်ခံရပါတယ်”
“ဦးကံထွန်းကိုလည်း အစိုးရကို အကြည်ညိုပျက်စေတယ်ဆိုပြီး အမှုတူလေးမှု စွဲထားရာမှာ တခုချင်းစီအတွက် သီးခြားစီ ၂ နှစ်ချတဲ့အတွက် ၈ နှစ်ချမှတ်ပါတယ်။ ပုဒ်မ ၁၅၃ က နဲ့ နှစ်မှုစွဲထားတာမှာ တခုချင်းစီအတွက် ၂ နှစ်စီ သီးခြား ကျခံဖို့ အမိန့်ချတဲ့ အတွက် လေး နှစ်ချပါတယ်။ ဒေါ်ဝင်းမြမြကိုလည်း နိုင်ငံတော် အကြည်ညို ပျက်စေမှုနဲ့ လေးမှုစွဲဆိုပြီး တခုချင်းစီအတွက် ၂ နှစ်စီ သီးခြားကျစီချတဲ့အတွက် ၈ နှစ် ချမှတ်ပါတယ်။ နောက် ၁၅၃ က နဲ့ နှစ်မှုစွဲဆို တဲ့အပေါ် တမှုကို ၂ နှစ်စီ သီးခြားကျခံစေတဲ့အတွက် လေးနှစ်ဖြစ်ပါတယ်။ စုစုပေါင်း ၁၂ နှစ်ဖြစ်ပါတယ်”
“ကျောက်ပန်းတောင်းက အဖွဲ့ချုပ် လူငယ် ကိုဝင်းရွှေကိုတော့ ကျောက်ပန်း တောင်းမှာ သံဃာတော်တွေ ကံဆောင်ပြီးမေတ္တာပို့သ စီတန်းရာမှာ ဘေးမှာတွေ့တယ် ဓာတ်ပုံထဲမှာ တွေ့တယ်ဆိုပြီး ၂၉၅- ကနဲ့က ၂ -နှစ်၊ နိုင်ငံတော်အကြည်ညိုပျက်စေမှုနဲ့ ၂ - နှစ်၊ စုစု ပေါင်း လေးနှစ်ချမှတ်ခံရပါတယ်”
“ကျောက်ပန်းတောင်းမြို့သံဃာတွေ မေတ္တာပို့သပွဲနဲ့ စပ် လျဉ်းပြီး ပုဒ်မ ၁၄၅ နဲ့က ၂ နှစ်၊ ပုဒ်မ ၁၄၇ နဲ့က ၂ နှစ် ပုဒ်မ ၁၅၂ နဲ့က သုံးနှစ် သီးခြားစီချမှတ်ခဲ့ပါတယ်။ စုစုပေါင်း ကိုဝင်းရွေက စုစုပေါင်း ၁၁ နှစ်ချမှတ်ခံရပါတယ်”
“မိတ္တီလာမြို့နယ်က ကိုတင်ကိုကတော့ နိုင်ငံတော်အကြည်ညိုပျက်စေမှု ပုဒ်မ တခုတည်း နဲ့ထောင် ၂ - နှစ် ချမှတ်ခံရပါတယ်”
သူ့အမှုသည်တွေအတွက် အယူခံတင်သွားမယ်လို့ ဦးမြင့်သွင်က ပြောပါတယ်။
ဒေါ်ဝင်းမြမြ
No comments:
Post a Comment